Ганбатын хөгжмийн ертөнц

Хөгжмийн зохиолч Пүрэвдоржийн ГАНБАТ
1992, 1996, 1997 оны “Морин хуур” наадмын шагналт, 1999 оны “Морин хуур” наадмын дэд тэргүүн байр, “Хайрын дуу – 2000” наадмын тэргүүн байрын шагналт хөгжмийн зохиолч П.Ганбат ану

1990 - 1994 онд Монгол Улсын Багшийн Сургууль Хөгжмийн Багшийн Коллежийг дуу хөгжмийн багш мэргэжилээр

1998 – 2002 онд Соёл Урлагийн Их Сургуулийг Хөгжмийн зохиомжийн анги

2007 – одоог хүртэл БНСУ-ын Үндэсний Урлагийн Их Сургуульд Хөгжмийн зохиолчийн ангид суралцаж байна.

Ажил хөдөлмөрийн гараагаа 1994 онд эхэлсэн тэрээр Нийслэлийн 36, 54, 20-р дунд сургуулиудад дуу хөгжмийн багш “Орхон” дээд сургуульд багш, Хүүхэд залуучуудын боловсролыг дэмжих “Төгс Эрдэм” санд менежер, Монголын Үндэсний Телевизэд хөгжмийн редактор тус тус хийж байсан.
Уран бүтээл:
Яруу найрагч Ч.Мягмарсүрэнтэй хамтарч “Үнэний хорвоо” дуучин Болормаагийн дуулсанаар, “Бодол” дуучин х.Ширмэнтуяа, Яруу найрагч Д.Дашбадрахтай хамтарч “Санахгүй байхын аргагүй” дуучин Д.Хишигбаяр, “Их Монгол Орон мину” / романс / дуучин МУГЖ Хонгорзул 1999 оны Морин хуур наадмын дэд тэргүүн байрын шагнал, Яруу найрагч З.Түмэнжаргалтай хамтарч “Зүүдэнд уяатай уул минь” дуучин МУГЖ Ц.Түвшинтөгс, дуучин Мягмарсүрэн нарын дуулсанаар, Яруу найрагч н.Батдэлгэр “Бусдын нутагт хүү минь яваа” дуучин МУГЖ Г.Эрдэнэбат, н.Ариунбаатар нарын дуулсанаар олны хүртээл болсон 60 гаруй нийтийн болон мэргэжилийн дууны уран бүтээл хийжээ. “Дууны унага” хүүхдийн хөгжимт уран сайхны кино, Телевизийн нэвтрүүлгийн дуу болон чимэглэлт хөгжим 20 гаруй төгөлдөр хуур, морин хуур болон үндэсний хөгжмийн гоцлол, хамтлаг, цөөхүүл хөгжим, симфони хөгжимд, зориулсан дан хөгжмийн бүтээл 20 гаруйг туурвижээ.